Atli Þór Albertsson útskrifaðist frá Leiklistardeild Listaháskóla Íslands vorið 2005 og hefur leikið fjölda hlutverka á leiksviði, í sjónvarpi og útvarpi.

Hann lék meðal annars í söngleiknum Kabarett í Íslensku óperunni, Milljarðamærinni í Borgarleikhúsinu og Abbababb í Hafnarfjarðarleikhúsinu.

Hjá Leikfélagi Akureyrar hefur hann leikið í Fló á skinni, Þjónn í súpunni, Sögunni af dátanum í samstarfi við Sinfóníuhljómsveit Norðurlands, Lilju, 39 Þrep, Þögla þjóninum og Rocky Horror.

Atli hefur starfað mikið í sjónvarpi og skapað fjölda persóna svo sem Alla Atlas, Adda Idol og Friskó Bóbó, auk þess að hafa verið einn af stjórnendum þáttarins Strákarnir á Stöð 2.

Atli hefur einnig leikið í fjölda útvarpsleikrita og hefur verið starfandi dagskrárgerðarmaður hjá Rás 2 frá árinu 2007.

Hann hefur kennt leiklist í framhaldsskólum og leikstýrt áhugaleiksýningum. 

Atli Þór leikur í Bjart með köflum og Vesalingunum hér í Þjóðleikhúsinu í vetur.

Síðast breytt í ágúst 2011.