Hið árlega aðventuævintýri Þjóðleikhússins. Sýningin hlaut Grímuverðlaunin sem barnasýning ársins þegar hún var frumsýnd árið 2005.
Aðventuævintýri Þjóðleikhússins, Leitin að jólunum, verður sýnt í desember sjöunda leikárið í röð, en sýningin hefur jafnan notið mikilla vinsælda og hlaut Grímuverðlaunin sem barnasýning ársins þegar hún var frumsýnd. Tveir skrýtnir og skemmtilegir náungar taka á móti litlum leikhúsgestum í anddyri Þjóðleikhússins. Með þeim í för eru tveir hljóðfæraleikarar og þessi fjörugi hópur leiðir börnin með leik og söng um leikhúsið. Börnin ferðast inn í ævintýraveröld jólanna og sjá leikþætti um jólin í gamla daga og á okkar tímum.